الصيد بالشعر أجمل أنواع الصيد لانه الأصعب.. إذ ليس سهلا أن تقنص بالكلام فكرة جديدة مبتكرة وترديها على اوراقك خالدة الروح.. الا اذا كنت صيادا محترفا وتمتللك تفعيل حواسك بمهارة ..
الشاعر اللبناني نعمان الترس من القلة الذين يجيدون هذا النوع من الصيد، فهو بطلقاته الشعرية يؤمن لك غذاء مخيلة كامل المتعة .. لأنه يتنفس الطبيعة بأنف الحروف..
من كلامه ..
أوتيل… خمس غيوم
اللّي بيِلحَق عصافيرنا بيِنغَشّ
بيِلمَح الرَفِّه بْلا دَرب مَرسوم
اللّي مْعَمّرين بيوتُن مْن القَشّ
عَم يِنزلو بْـ أوتيل خمس غيوم
روزنامة العصفور
عصفور أو شاعر أنا تخمين ؟!
بْـ روزنامتي ما بغيِّر وراقي
وعم عِدّ عالتينِه شو باقي تين
تا أعرِف من الصيف شو باقي
هجرة عصافير
جدّي اللّي كان يْفيق قبل الكِلّ
ويِفتَح بْواب بْيُوتنا لْ رَبّو
كانو الصبح والشمس يِتخَبّو
بـْ عِبُّو… وكانو يِنطرو تـَ نْطلّ…
ويَوم اللّي قَلّي: صار لازم فِلّ
شو طارِت عصافير مِن عِبّو !
