أنا صيّاد في عندي عقيدة.
بحُب الصيد ما بينقص رصيدي.
أذا بيملكوني الكون كلو.
متل قوّاس ما بظلم طريدة.
الصيد أجمل هواية أذا تحلّو.
القوّاسين بعقول الرشيدة.
وما خلّو الطير يجفل من محلو.
وعليه ينكّدو العيشة السعيدة.
القوّاسين ببلادي ما خلو.
طير يسعد بلحظاتو الرغيدة.
لأنو همّهن كلما يطلو.
عا أيا طير يرموه بمكيدة.
هون الفرق. شرحي بستهلو.
بنصيحة لكل قوّاس بقصيدي.
يا خيي ما شفت الطيور قلّو.
ورح تنقرض أنواعو العديدة.
حرام عليك خرطوشك تدّلو.
عا جانح طير أشكالو فريدة.
يمّا عا طير جارح. بظلو.
الطبيعة تعدّلت مرّة جديدة.
يا قوّاسين عن هل الطير حلو.
كفاكن طيشنة بروس العنيدة.
تا نحمي الطير متلي لا تملو.
حتى نأمن وجودو ببلدنا.
تعو نشبك سوى ديكن بأيدي.
